Asociación Puntogal

“Unha quinta parte do mundo fala chinés”, dixo Rod Beckstrom, presidente da ICANN,  organismo que xestiona o sistema de nomes de Internet. “Isto significa que incrementaremos a accesibilidade on-line para un billón de persoas”.

O anuncio da ICANN (Internet Corporation for Assigned Names and Numbers) vén despois dunha decisión anterior de permitir os nomes de dominio en árabe, e espérase que suceda o mesmo con outros sistemas de escritura non-latinos.

Jonathan Shea, director executivo da Hong Kong Internet Registration Corporation (HKIRC), un dos organismos que implementará estes cambios, afirmou que os cidadáns chineses confían nos buscadores á hora de atopar páxinas webs.
Ata agora, os nomes de dominio en alfabetos de caracteres latinos dificultaba que os chineses puidesen recordar ou mesmo tentar adiviñar o nome de páxinas webs. "Moitas empresas e organizacións son coñecidas só polos seus nomes en chinés e as súas identidades corporativas e de marca se perden con frecuencia no ciberespazo", dixo Shea, porque están obrigados a ter os seus nomes de dominio en inglés.

“A dispoñibilidade de nomes de dominio en chinés solucionará estes problemas para sempre”, declarou Shea a AFP.

A axencia de rexistros de nomes de dominio vencellada ao goberno chinés, “China Internet Network Information Center (CNNIC”), referiuse a este cambio como un “recoñecemento por parte da comunidade internacional da cultura chinesa en Internet”.